Xəbərlər

Təchizat zəncirində effektivliyin qiymətləndirilməsi mövzusunda növbəti təlim keçirilib

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Dekabrın 1-də Bakı KOBİM-in təşkilatçılığı ilə "Təchizat zəncirində effektivliyin qiymətləndirilməsi" mövzusunda növbəti təlim keçirilib. 14 nəfərin iştirak etdiyi təlimdə Bakı KOBİM-in eksperti tərəfindən iştirakçılara təchizat proseslərinin ölçülməsi və KPI-lar, xərc, zaman və ehtiyat balansının analizi, risklərin təchizat prosesinə təsirinin dəyərləndirilməsi, effektivlik artırıcı optimallaşdırma üsulları haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.