Xəbərlər

Təmizlənmiş məlumatların analizi mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 25-də Bakı KOBİM-in təşkilatçılığı ilə "Təmizlənmiş məlumatların analizi" mövzusunda növbəti təlim keçirilib. 11 nəfərin iştirak etdiyi təlimdə Bakı KOBİM-in eksperti tərəfindən iştirakçılara məlumatların analizinin növləri, nəticələrin vizuallaşdırılması üçün alətlər, müqayisə və əlaqələrin araşdırılması, seqmentləşmə və klaster analizi haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.