Xəbərlər

Vizual kommunikasiya və brend imicinin qurulması mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 30-da Bakı KOBİM-in təşkilatçılığı ilə "Vizual kommunikasiya və brend imicinin qurulması" mövzusunda növbəti təlim keçirilib. 10 nəfərin iştirak etdiyi təlimdə Bakı KOBİM-in eksperti tərəfindən iştirakçılara brendin vizual identifikasiyası, rəng və şrift seçiminin psixologiyası, vizual kontentin brend dəyərinə təsiri, brend üslub kitabçasının hazırlanması haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.