Xəbərlər

Yaşıl iqtisadiyyatda data analitikanın tətbiqi mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 27-də Bakı KOBİM-in təşkilatçılığı ilə "Yaşıl iqtisadiyyatda data analitikanın tətbiqi" mövzusunda növbəti təlim keçirilib. 11 nəfərin iştirak etdiyi təlimdə Bakı KOBİM-in eksperti tərəfindən iştirakçılara data analitikanın əsas anlayışları, enerji sektorunda tətbiqi, kənd təsərrüfatında data analitikası, nəqliyyatda və şəhərsalmada tətbiqi haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.