Xəbərlər

Yerli qurumlardan maliyyə resurslarına çıxış mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 29-da Bakı KOBİM-in təşkilatçılığı ilə "Yerli qurumlardan maliyyə resurslarına çıxış" mövzusunda növbəti təlim keçirilib. 15 nəfərin iştirak etdiyi təlimdə Bakı KOBİM-in eksperti tərəfindən iştirakçılara yerli maliyyə resurslarının ümumi mənzərəsi, bank sektoru və kommersiya kreditləri, qeyri-bank maliyyə institutları, dövlət dəstəyi və qrant proqramları haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.